Linton Kwesi Johnson

Judul lagu Name penyanyi Penulis lirik Penyusun Tanggal rilis Lirik pertama

Mekkin Histri

Linton Kwesi Johnson none none none now tell mi...

Mekkin Histri

now tell mi someting
mistah govahment man
tell mi someting

how lang yu really feel
yu coulda keep wi andah heel
wen di trute done reveal
bout how yu grab an steal
bout how yu mek yu crooked deal

well doun in Soutall
where Peach did get fall
di Asians dem faam-up a human wall
gense di fashist an dem police sehil
an dem show dat di Asians gat plenty zeal

it is noh mistri
wi mekkin histri
it is noh mistri
wi winnin victri

now tell mi someting
mistah police spokesman
tell mi someting

how lang yu really tink
wi woulda tek yu batn lick
yu jackboot kick
yu dutty bag a tricks
an yu racist pallyticks

well doun in Bristal
dey ad no pistal
but dem chase di babylan away
man yu shoulda si yu babylan
how dem really run away
yu shoulda si yu babylan dem dig-up dat day

it is noh mistri
wi mekkin histri
it is noh mistri
wi winnin victri

now tell mi someting
mistah ritewing man
tell mi someting

how lang yu really feel
wi woulda grovel an squeal
wen so much murdah canceal
wen wi woun cyaan heal
wen wi feel di way wi feel

well dere woz Toxteth
an dere woz Moss Side
an a lat a addah places
whey di police ad to hide
well dare woz Brixtan
an dere woz Chapeltoun
an a lat a addah place dat woz burnt to di groun

it is noh mistri
wi mekkin histri
it is noh mistri
wi winnin victri

A B C D E F G H I J K L M N O P Q R S T U V W X Y Z #
A B C D E F G H I J K L M N O P Q R S T U V W X Y Z #
Cari Lirik ?

Nama Artis

Judul Lagu

frase lirik

TV show, mocie, anime, korea, japanese, india dorama

Penulis lirik, komposer